JORGUŚ

Tyn nasz Jorguś z Familoków,
Ciynżko robiył niy bydzie...
Jyno w karty grać, - pierona
Piwko popijać !
To nojlekszo jest robota,
Inkszyj łon sie niy pornie. (bis)
 
Powiedziała mu mamulka:
Synek chyć sie roboty...
Ale tyn pieron,- uparty,
Dalij gro w karty.
Wszystko w doma poprzegrywoł,
Przegroł łojcu galoty. (bis)
 
Jak sie nasz Jorguś łożyniył,
Szwigra fest chalatała
Chodzi i sznupie, - tyn pieron...
W cołkij chałupie.
Powynosiył wszystko z góry,
Przegroł w karty dwie kury. (bis)
 
Weźcie muter nazod synka,
My go tukej niy chcymy...
Jak sie na chałpa, - łożyniył,
Musi sztyjc zganiać,
A wasz Jorguś niy chce robić,
Yno w szynku w karty grać. (bis)

W ZIELONYM GAJU

W zielonym gaju, ptoszki śpiywajom,
Dali mamulka, mi piyrszego,
Ale tyn piyrszy, był bardzo śmiyszny
Mamulko moja, jo niy chca go...!
 
 
W zielonym gaju, ptoszki śpiywajom,
Dali mamulka, mi drugigo,
Ale tyn drugi, mo kichol długi,
Mamulko moja, jo niy chca go...!
W zielonym gaju, ptoszki śpiywajom,
Dali mamulka, mi trzecigo,
Ale tyn trzeci, tyn bije dzieci,
Mamulko moja, jo niy chca go...!
 
W zielonym gaju, ptoszki śpiywajom,
Dali mamulka, mi czwortego,
Ale tyn czwarty, jest sztyjc ożarty,
Mamulko moja, jo niy chca go...!
 
W zielonym gaju, ptoszki śpiywajom,
Dali mamulka, mi piontego,
Ale tyn pionty, tyn patrzi w konty,
Mamulko moja, jo niy chca go...!
 
W zielonym gaju, ptoszki śpiywajom,
Dali mamulka, mi szóstego,
Ale tyn szósty, mo łeb z kapusty,
Mamulko moja, jo niy chca go...!
 
W zielonym gaju, ptoszki śpiywajom,
Dali mamulka, mi siódmego,
Ale tyn siódmy, to karlus cudny,
Mamulko moja, wezna se go...!

MYŚLIWCZYK

Stoji u wody, myśliwczyk młody,
Woło na- szwarno dziyweczka, po-dej mi wody. (bis)
 
Jakoż jo mom wstać, wody ci podać,
Jest żech bo-so, zimno ro-sa, bydzie mie uziombać. (bis)
 
Łoblycz pończoszki, na gołe nożki,
Jak Ponbo-czek dopomo-że, kupia ci szczewiczki. (bis)
 
Strzelczyku młody, szanuj urody,
Prziniyś z la-sa mi zajo-nczka, a dom jo ci wody. (bis)
 
Ty sie niy starej, gibko wody dej,
W lesie zajonczek, czeko bojaczek, musza go szukać hej ! (bis)

NIEDZIELICZKA

Wczoraj była niedzieliczka,
Dzisioj smutny dziyń.
Zabolała mie głowiczka,
Na cołki tydziyń.
Zabolała, niy przestała,
Moji oczka wypłakałach,
Mamulko moja.

Czamuście mie mamuliczko,
Tak wczas wydali,
Jak żeście mie w chałpie robić,
Niy nauczyli.
Teraz trzeba gospodarzić,
Chleba napiyc, jeść nawarzić,
A jo niy umia.

Daliście mi sto talarów,
I pora koni.
A ku tymu dwie krowiczki
I czworo świni.
On mi wszystko to przepije,
Przidzie dudom, to mie bije,
Mamulko moja.

A jak Wy tu przijedziecie,
Mamulko moja,
To mi chopek piyknie godo:
Babeczko moja.
A jak Wy stond odjedziecie,
Wszystki konty mnom zamiecie,
Mamulko moja.

Niy godej mi moja dziołcho,
Takij gupoty.
Przeca sztyjc żech cie uczyła,
W chałpie roboty.
Ale tyś mie niy słuchała
Yno za nim żeś lotała,
Teraz niy płacz mi.