Tuste z majyrankym.

50 dkg szpeku bez skory ino cinko pokoć bo Se zeskwarzi.
2 cebule
1-2 łyżki majyranu
sol, pieprz, czerwono papryka słodko
Łostry noż, niy żodyn pitwok!

Nasomprzod szpek łopucować. Szpeku niy myś we wodzie ino szkrobać. Pokroć na drobne wyrfle i w yparszczyć. Kedy bydom już szpyrki dać pokrono cebula i parszczyć aże sie leko zbronoci. Gornek symnońć z łognia a za mało kwila wciepnońć majoran, bździna soli, pieprz i paprika. Poryrać i fertik.

Swojski ajerkoniak

3 jajca,
cuker waniliowy
1/4 kostki masła,
1 szklonka cukru,
3 wielkie łyzki mlyka we proszku

Masło jajca cukier i cukier waniliowy to wszysko do kupy mikserym pofyrtać potym dać mlyko w proszku i na koncu wlywomy szpyrytus abo gorzołka sama.

Kartoflonka trocha inszo

Trza do nij :
5 łeżek wyparszczonej szpyrki,
5 łeżek mołki,
font struganych ziymiokow,
dwa a poł litra bulijonu (moge być ze KNORR’a),
sol, aminek (kminek),
achtlik (lebo dwa, jak fto mo rod) łoctu,
jedna zana 12%
15 deka lisowek (świyże lebo ze krałzy),
100 gramow szmiyrkyjzy,
2 jajca na twardo,
ździebko koperku i naci ze pietruszki...

Ze wyparszczonyj szpyrki i ze mołki uparszczyć ajnbryna. Wloć rajn przodzij ździebko a niyskorzij rest bulijonu, zawarzić, nale ciyngiym kwyrlać, powarzić jesce ze pora minutek. Kobzole (ziymioki) pokroć na wyrfle. Świyże lisowki wyszpluchtać i łodkapać na cedzitku (te ze krałzy tyż, nale łocet idzie łostawić). Wrajzić to wszyjsko do kupy do tego uwarzonego ze ajnbrynom bulijonu, wciepnońć rajn aminek i sol, warzić aże ziymioki bydom miyntkie (kajsik kole 10 minutek). Terozki polekuśku, po konsku wciepować ta cołko szmiyrkyjza i festelnie kwyrlać aże sie cołkiym łozpuści. Jesce dosuć ździebko soli (kiejby miało być niy za tela) i włoć łoctu (moge być tyn ze krałzy po lisowkach). Na łostatek aligiyrować ze zanom. Dować na talyrz ze śćwiartkoma jajec.

 Zupa piwno

1 l jasnego piwa, 150 g czerstwego razowego chleba, 500 g biołego syra, 250 ml
śmietoonki, sool, cuker.

Chlyb i syr pokroć na wyrfle. Piwo wloć do gorka, podgrzoć, posolić,
pocukrować podle łoka, dodać wyrfle chleba, pomieszać - śmietoonka poleku
wlywać do blank ciepłygo piwa. Pszed samym podaniym wciepać rajn wyrfle syra.

FAWORKI

230 g maki

4 żółtka

20 g masła

2 łychy rumu abo gorzołki...ekstrymalnie spyroniu

100 g kwasnyj smietany

szczypta soli

wszysko razym wymoyszać wałkowac na grubość 1-2 mm kroć i formować faworki....smazyć na złoty kolor osączyc na bibułce...posuc cukrym pudrym....i smacznego